No ano 2011, ante a deriva que ía tomando a dirección do BNG, na nosa III Asemblea decidimos constituírmonos en partido político e que o “Encontro Irmandiño pularía pola reconstrución da unidade nun referente de carácter político para o que todos somos necesarios e ao que queremos incorporar a longa traxectoria do nacionalismo nas súas distintas etapas históricas, queremos, iso si, recuperar os valores de esquerda, cidadáns, democráticos e republicanos da participación, horizontalidade e democracia participativa.

Nacemos no proceso de debate da XII Asemblea do BNG como lista da citada asemblea para defender o asemblearismo que pretendía liquidar, como así aconteceu por unha diferenza de moi pouquiños votos, a maioría dominante no BNG.

Na nosa 1ª Asemblea definimos a nosa concepción da política e na 2ª Asemblea decidimos converternos en corrente organizada dentro do BNG.

Daquela decidimos estar nos órganos de dirección e asumir as responsabilidades. Enfrontar esa situación dende a diferenza pero tamén dende a lealdade á organización. Se entramos é para traballar nas responsabilidades políticas que nos ten asignado a militancia.

Dicíamos: “Nós, entendemos a democracia non só como a decisión das maiorías senón tamén como o respecto escrupuloso das minorías. Aquí reside a tensión democrática que defendemos, porque senón acabamos por converter a política interna do BNG nunha dialéctica de alícuotas de poder excluíntes cando deberían ser inclusivas”.

No ano 2011, ante a deriva que ía tomando a dirección do BNG, na nosa III Asemblea decidimos constituírmonos en partido político e que o “Encontro Irmandiño pularía pola reconstrución da unidade nun referente de carácter político para o que todos somos necesarios e ao que queremos incorporar a longa traxectoria do nacionalismo nas súas distintas etapas históricas, queremos, iso si, recuperar os valores de esquerda, cidadáns, democráticos e republicanos da participación, horizontalidade e democracia participativa.

No que atinxe ao BNG, o EI pulará pola rexeneración da fronte coa condición de que se acepte abrir o BNG á sociedade, reintegrándoo aos milleiros de xentes nacionalistas de dentro e ás excluídas por expulsión, sectarismo ou cansazo de aturar unhas relacións internas insoportábeis, e que se desarme o aparello burocrático ao servizo da dirixencia.”

Ben sabido é o resultado da XIII Asemblea do BNG na que a aprobación dunhas teses da APU (UPG) por escasa maioría fixeron inviábel toda convivencia e rexeneración e refundación do mesmo como pretendía o EI.

En Asemblea Extraordinaria celebrada o pasado 12 de Febreiro de 2012 o Encontro decide abandonar a militancia no BNG e pórse a traballas na sociedade á procura dese novo referente político que a sociedade está a demandar.

Como diciamos nos textos da nosa III Asemblea “... o Encontro Irmandiño non pretende ser o único suxeito político que contribúa á liberación nacional e social de Galiza. A liberación será cousa de todas e todos e calquera persoa ou organización que acepte relacionarse connosco de igual a igual serán tratadas pola nosa parte como irmáns.”